Joan edukietara

Memoria Gizarte Erantzunkizuna 2005-2006 EROSKI FUNDAZIOA

Memoria PDF formatuan jaisteko menua

Memoria PDF formatuan jaitsi

Hizkuntza hautatzeko menua

Edukiaren kokapena

  • Hasiera >
    • Garapen profesionala eta segurtasuna >
      • 7.1 Prestakuntza eta garapen pertsonala. Prestakuntza plana eta emaitzak

Garapen profesionala eta segurtasuna

Inprimatzeko eta ikusteko era aldatzeko aukerak

  • Beste pertsona bati bidali

7.1 Prestakuntza eta garapen pertsonala. Prestakuntza plana eta emaitzak

Prestakuntza, gure langileen enplegatzea eta garapen pertsonala sustatzeko tresna gisan, lehentasun iraunkorra dugu.

Prestakuntza beharren eta prestakuntza plan pertsonalizatuen gaineko diagnostikoak egiteko, Lanpostuak Baloratzeko Batzordeak egindako lanpostu sailkapen batetik abiatzen gara.

2005-2006 aldian, Laneko Arriskuen Prebentzioari, Lanpostuaren Garapen Optimorako Ezagutzei, Prestakuntza Korporatiboari eta Etengabeko Hobekuntzarako Prestakuntzari buruzko prestakuntza programak gure enplegatuen gaikuntzarako tresna baliotsuak direla ikusi zen.

2005ean, 343.950 ordu eskaini genion prestakuntzari eta 2006an, berriz, 367.753 ordu. Eskuliburuak eta hasiberriei harrera egiteko prozesuaz gainera (astebete irauten duena), ezagutzak eta trebetasunak -bai profesionalak bai pertsonalak- hobetzera bideratu zen inbertsioa. Aipagarriena, hauxe:

Hipermerkatuetan, 2005ean, langile guztiek ekin zioten bezero arretari buruzko bi urteko prestakuntza plan bati eta 35.000 ordu eman ziren.

  • Korporatiboa: arlo guztietako 5.561 langile baino gehiagok parte hartu zuen 2006an programa korporatiboan, prestakuntza soziolaboralean parte hartu zuten 1.952 langileez gainera.
  • Hipermerkatuak: 2005ean, langile guztiek ekin zioten bezero arretari buruzko bi urteko prestakuntza plan bati eta 35.000 ordu eman ziren. Planaren ardatza ordainketa kutxak, etxetresna elektrikoak, arrandegiak eta urdaitegiak izan ziren. 2006an, emandako 119.000tik gora orduak birjarpen ekipamenduetan zentratu ziren, hala elikaduran nola elikadurarekin zerikusirik ez duten arloetan, frutategi, okindegi eta harategian.
  • Supermerkatuak: langileek 77.000tik gora ordu eskaini zieten bezero arretari buruzko prestakuntza proiektuei. Halaber, 13.000 ordu inguru eman genuen arlo soziolaboralari zuzenduta.
  • Plataformak eta logistika: 2005ean, Logistika Eremuan agintzeko ardura zeukaten 150 pertsonak saltokietan lan egin zuen bezeroen beharrak zeintzuk diren jakin, lan prozesuekin trebatu eta zerbitzuan hobera egiteko proposamenak lantzeko.
  • EROSKI/bidaiak: prestakuntzari eskainitako 18.000tik gora orduen barruan, Proiektu Sozialaren jardunaldiak hasi ziren 2006an, eta horretarako 2.170 ordu eskaini zitzaien 272 pertsonari.
Prestakuntzan egindako ahalegina
2005 2006
Orduak, guztira 343.950 367.753
Prestakuntza soziolaborala
Emaitzak 2006
Orduak, guztira 27.215
Prestakuntza jaso duten langileen kopurua 1.952
Prestakuntza korporatiboa kategorien arabera
Kategoria Emaitzak 2006
Guztiak Orduak, guztira 58.011
Kostua, guztira 828.234 euroak
Goi mailako tituludunak eta zuzendariak Orduak, guztira 7.838
Kostua, guztira 224.599 euroak
Erdi mailako tituludunak eta teknikariak Orduak, guztira 14.883,2
Kostua, guztira 145.800 euroak
Administratiboak eta soldatapekoak Orduak, guztira 9.921
Kostua, guztira 97.620 euroak

Prestakuntza soziolaborala barne

Lidergo Programa

Lidergo Programa, zuzendari eta agintariak pertsonen gestio politikak sustatzeko lanean zuzenean inplikatzeko beharretik sortu zen. Programaren muina jarduteko jarrera eta praktikak sendotzea izan da, harremanak erraztu eta estatus profesionalera jo gabe eragiteko tresnak erabiliz.

Bi urteko ibilbidearen ondoren, 2005a berez dena esaten duten emaitzekin bukatu genuen: 2.219 agintari prestatu genituen, 51.970 ordu eman ziren, enpresaren egoerari buruzko 2.200 autodiagnostiko egin zen, hobetzeko 6.000 ekarpen eta 60 zuzendari eta 200 kudeatzaile baloratu zituzten euren kolaboratzaileek.

Gaur egun, programa hedaldi betean dago Bidaiak, Supermerkatu Elkarte, Erosmerreko Hipermerkatu, Plataformak eta EROSKI Koop. Elkarteko Egoitzean.

PARET Programa

Gure ustez, langileen benetako parte hartzea da lanpostuan eraginkor izateko biderik onena, eta hala, gainera, gusturago jarduten dute langileok. Datozen lau urteetan EROSKI TALDEKO zentro eta supermerkatuen negozio eremuetan garatu eta zabaldu nahi dugu parte hartzeko gestio eredu hau. Horretarako, PARET programa garatu dugu (Parte Hartze Eraginkorra Lanean) erabakitzeko boterea bezeroarekiko erlazioa gertatzen den lekura hurbiltzeko helburuaz, saltokiko taldeak erosketa esperientzia maximizatzen duten eta erreferentziazko enpresa bihurtzen gaituzten aldagai guztietan inplikatuz.

Parte hartzea egiturazkoa izan dadin, eta ez puntuala, zera aurreikusten dugu:

  • Informazio sistemetan eragitea, erabakiak hartzeko taldeei behar duten informazioa automatikoki emanez.
  • Funtzio banaketa aldatzea, dauzkagun zereginetan rol eta ardura berriak zehaztuz.
  • Bezeroekiko harremanean eragitea.

Gaur egun Programa sei hipermerkatu eta 23 supermerkatutan ezarri da. 2006an ia 1.000 pertsonak lan egin du zuzenean programaren garapenean eta ia 7.000 ordu eskaini zaizkio.

Daukagun barne sustapenerako kulturak, era berean, errefortzuzko prestakuntza prozesuetan inbertitzera garamatza, eta horrek ahalbidetu du lanpostu hutsen erdia baino gehiago barneko langileen bidez betetzea.

Lanpostu ebaluazioek aukera ematen digute prestakuntza eta gaikuntzan egindako ahaleginak neurtzeko. Urtero langileen %90ari baino gehiagori egiten zaizkio elkarrizketa pertsonalizatu bidez, eta hala, errendimendu profesionala eta pertsonala neurtzeaz gain, helburuak adostu eta ekarpenak biltzeko aukera izaten dugu.

Memoriaren atalak

Orri honetako beste baliabideak