Joan edukietara

Memoria Gizarte Erantzunkizuna 2005-2006 EROSKI FUNDAZIOA

Memoria PDF formatuan jaisteko menua

Memoria PDF formatuan jaitsi

Hizkuntza hautatzeko menua

Edukiaren kokapena

  • Hasiera >
    • Gizartea eta ingurumena balio katean >
      • 5.5 Berotegi efektua murrizten laguntzea. Kate logistikoa: optimizazioa eta erregai alternatiboak

Gizartea eta ingurumena balio katean

Inprimatzeko eta ikusteko era aldatzeko aukerak

  • Beste pertsona bati bidali

5.5 Berotegi efektua murrizten laguntzea. Kate logistikoa: optimizazioa eta erregai alternatiboak

EROSKIn, badakigu klima aldaketa dela gizateriak aurre egin behar dion ingurumeneko arazorik larriena eta osasunerako eta ekonomiarako ondorio handiak ekar ditzakeela. Gure arriskuen matrizearen arabera, garraioa da klima aldaketan eragin handiena izan dezakeena eta gure negozioaren oinarrizko zutabeetariko bat ere bada, hain justu.

EROSKI TALDEAren ingurumeneko gure planaren baitan, giltzarri den ardatzetariko bat garraioak egindako igorpenen murrizketa da. Horretarako, azken bi ekitaldietan lantaldea eratu dugu; Kontsumo eta Logistika arloetako pertsonek osatu dute eta kanpoko adituen laguntzarekin, garraioan ingurumen optimizaziorako hainbat alternatiba aztertu ditu.

EROSKI TALDEAren ingurumeneko gure planaren baitan, giltzarri den ardatzetariko bat garraioak egindako igorpenen murrizketa da.

Garraio Berdearen Foro honen helburua EROSKI TALDEAren merkantzien garraiotik eratorritako CO2ren igorpenak gutxitzea ahalbidetuko duten neurriak hartzea da, aitzindari diren ondorengo ekimenetan lan eginez:

  • Alderantzizko fluxuen logistika eta hiriko banaketa eko-eragingarria. Bideak optimizatu ohi ditugu kamioiak betetzea bermatzeko eta horien ibilbidea gutxitzeko.
  • Kamioiaren alternatiba diren baliabideak erabiltzea.
  • Gehigarriak erabiltzea. 2005. urtean, espezialisten eskutik, gure kamioietarako erregaian, jatorri begetaleko osagarria erabiltzeko proiektua jarri genuen abian. Proba horien emaitzak oso onak izan dira:
    • Zenbait kutsatzaile atmosferikoren igorpenak gutxitu ditugu; karbono monoxidoarenak (batez besteko gutxitzea %77koa izan da) eta nitrogeno oxidoenak (%34ko gutxitzea), esate baterako.
    • %2,2 gutxitu dugu erregai fosilaren kontsumoa. Proba hilabeteetan, 800 kg CO2 gutxiago igorri da; hau da, urtean 80 zuhaitz aldatzearen baliokidea.
  • Bioerregaiak erabiltzea. 2007. urtean TALDEaren flotako kamioietan bioerregaiak erabili ahal izatea ahalbidetuko digun proba pilotua diseinatzen eta zehazten ari gara lanean.
  • Gidatze ekologikoa. 2006. urtean, EROSKI egoitzako 90 langile inguruk jaso zuen EEEk (Energiaren Euskal Erakundea) antolatutako gidatze ekologikoaren ikastaroa. 4 orduko iraupena duten ikastaro horiek zati teorikoa eta praktikoa izan zuten. Erregaia gutxitzearen estimazioa %10ekoa izan zen. 2007. urtean, gainera, TALDEko 100 garraiolari ingururentzako gidatze ekologikoaren ikastaroak egitea aurrez ikusita dago; kasu horretan, EEEk antolatutako ikastaroek 8 orduko iraupena izango dute.
  • Garraio enpresen ingurumeneko gestioa bermatzea. Gaur egun, bederatzi enpresak dute ISO 14001 ziurtagiria. Gainerako sei enpresentzat, e+5 metodologiaren araberako araua pixkanaka ezartzeko lanean ari gara.

Negutegi efektua sortzen duten gasei dagokienez, emandako informazioa ez da konparagarria, perimetro ezberdinaren arabera kalkulatzen baitira (ikus grafikoaren oinean agertzen den oharra).

Erregai kontsumoa jarduera logistikoko iturrien arabera
2004 2005* 2006*
Garraio flotak erabilitako erregai litroak 36.124.371,90 litro 47.988.410,97 litro %+32,8

* 2005. urterako, ondorengo plataformen datua agertzen da: Pinto, Getafe, Elorrio, Zubieta, Zorrotza, Agurain, Cenco, Azuqueca, Zaragoza eta Malaga. Ez dira agertzen Coruñakoa eta Sigueirokoa. 2006. urterako, ondorengo plataformen datua agertzen da: Getafe, Elorrio, Zubieta, Zorrotza, Agurain, Cenco, Azuqueca, Zaragoza, Malaga, Coruña eta Sigueiro. Pintokoa ez da agertzen.

Logistikako jardueratik eratorritako zuzeneko CO2 igorpenak (t baliokidea: CO2/euroak).
2005* 2006* 2006ko bariazioa
Zuzeneko igorpenak** 0,032 0,039 %+21,8

*2005. urterako, ondorengo plataformen datua agertzen da: Pinto, Getafe, Elorrio, Zubieta, Zorrotza, Agurain, Cenco, Azuqueca, Zaragoza eta Malaga. Coruñakoa eta Sigueirokoa ez dira agertzen. 2006. urterako, ondorengo plataformen datua agertzen da: Getafe, Elorrio, Zubieta, Zorrotza, Agurain, Cenco, Azuqueca, Zaragoza, Malaga, Coruña eta Sigueiro. Pintokoa ez da agertzen.
**Kalkulatzeko metodoa: Erregai litro *konbertsio faktorea/irteerak euroak.

2007. urtean TALDEaren flotako kamioietan bioerregaiak erabili ahal izatea ahalbidetuko digun proba pilotua diseinatzen eta zehazten ari gara lanean.

Horrez gain, klima aldaketarekiko dugun konpromisoa agerian geratzen da hainbat erakundetan dugun parte hartzearekin. Nafarroako Unibertsitate Publikoarekin garraioaren ingurumen hobekuntza lantzeko hitzarmena dugu Euskadiko Logistikako eta Garraioaren Clusterraren Zuzendaritza Batzordeko kide gisa; gainera, aipatutako batzorde horretako kide sortzaileak gara eta jarduera logistikoaren ingurumen inpaktua minimizatzeko aukerak lantzen ditugu bertatik. Zehazki, bioerregaiak erabiltzeko proba pilotua diseinatzen ari gara, oinarrizkoan itzulkinak optimizatzea ahalbidetuko baitigu tresna horrek.

Kodeketako Espainiako Elkartearekin (AECOC) batera egin dugu lan errepideko garraioaren alternatibak bilatzen, eta emaitzak oso onak izan dira.

Memoriaren atalak

Orri honetako beste baliabideak