Sociedade e medio ambiente na cadea de valor
5.4 Traballo con provedores
5.4.1 Provedores estratéxicos. Homologación, avaliación e seguimento
As esixencias e compromisos lévanos a manter colaboracións estratéxicas con provedores de froita, verdura e carne de marca propia. En 2005 contabamos con 13 convenios de carne de produtos EROSKI Natur e representaron o 70% das vendas deste tipo de produto. No caso da froita, 39 agricultores subscribiron o noso prego de condicións Natur en canto a prácticas agrícolas e parámetros sensoriais, e supuxeron o 48% de toda a froita e verdura que se vendeu nas nosas tendas.
En relación coa protección do entorno, ademais do control dos atributos ambientais dos produtos EROSKI Natur (ver capítulo 4), a xestión ambiental esténdese á nosa cadea de subministro a través dun programa de clasificación de provedores baseado no grao de implantación dun sistema de xestión ambiental segundo ISO 14001 ou EMAS. Baixo o nome de metodoloxía e+5 (www.emas5.com), en 2005 o 39% dos provedores de marca propia foron clasificados, e chegouse ao 81% en 2006.
Esta metodoloxía tamén inclúe un completo dossier de axuda e formación que poñemos a disposición dos nosos provedores para poder avanzar gradualmente ata certificar o seu sistema.
Dispoñemos dun sistema de puntuación mediante o que calificamos a cada provedor cunha nota que complementa a clasificación e+5 e que nos serve como indicador para facer un seguimento do grao de cumprimento do Plan de Xestión.
| 2005 | 2006 | |
|---|---|---|
| Nº avaliación e+5 realizadas | 147 | 241 |
| %provedores avaliados segundo e+5 | 39% | 81% |
| Nota acadada | 1,93 | 2,06 |
| % de mellora ambiental provedores avaliados | ND* | 7% |
* Non se menciona este indicador
As esixencias e compromisos lévanos a manter colaboracións estratéxicas con provedores de froita, verdura e carne de marca propia.
En 2006 non se alcanzaron os obxectivos marcados, sendo o baixo nivel de xestión medioambiental do sector agroalimentario a principal causa. Para corrixir esta situación tomamos as seguintes medidas:
- Envío de correo electrónico e conversación telefónica entre o responsable do produto en concreto e o fabricante da marca propia para incidir na importancia que ten para o GRUPO EROSKI que todos os seus provedores conten cun nivel mínimo de 2.
- Tarefa de seguimento dos plans de mellora para incrementar o seu nivel de xestión ambiental por parte dos homologadores dos fabricantes.
En relación coa xestión social da nosa cadea de subministro e baixo a supervisión do Comité Ético, o sistema de xestión SA8000 inclúe toda a central de compras e os produtos de maior risco: téxtil, xoguete, electrónica e bazar. Están sometidos a un sistema de auditoría anual que garanta o cumprimento dos estándares OIT de respecto a dereitos humanos no lugar de traballo, controlando a ausencia de traballo infantil, traballo forzado, remuneración, formación, riscos, liberdade de asociación, horario e non discriminación.
| 2004 | 2005 | 2006 | |
|---|---|---|---|
| Nº avaliación realizadas | 40 | 50 | 54 |
| % provedores avaliados | 100% | 100% | 100% |
| Nº episodios de incumprimento | 2 | 3 | ND |
Seccións da Memoria